Home » » TELUGU SCRIPT KAVITHA - VAANA VELISAKA By Manasa Chamarthi

TELUGU SCRIPT KAVITHA - VAANA VELISAKA By Manasa Chamarthi

వాన వెలిశాక..

రచన: మానస చామర్తి


VAANA VELISAKA KAVITHA PICS


విరగబోయే కొబ్బరిమట్ట మీద కూర్చుని
ముక్కుతో పొట్ట పొడుచుకుంటూ
దిగులుగా ఊరంతా చూస్తుంది
ఒంటరి కాకి

డాబా మీది తూము నుండి నీళ్ళు
ధారల్లే క్రిందకు పడుతోంటే
తలంతా తడుపుకుంటూ ఇకిలిస్తాడు
బట్టల్లేని బుడతడు

దండేనికి వేలాడుతోన్న చినుకులన్నింటిని
చూపుడువేలు గాల్లోకి విసిరేశాక
ఏడుపు మొహాలతో బయటకొస్తాయ్
ఆరీఆరని బట్టలు.

జీరాడే కుచ్చిళ్ళు జాగ్రత్తగా
బురద నీళ్ళకు దూరంగా జరిగాక
పసుపు మరకల పట్టీలతో పేరంటానికెళ్తుంది
అమ్మలాంటి ఓ అమ్మ.

వానపడ్డంతసేపూ బుడబుడా నవ్వుతుంది, ఈ నేల
ఆ కాస్త ప్రేమకే మెత్తబడి కరిగిపోతుంది
ఎంత బాధ లోలోపల కొంపుకుంటుందో,
వాన వెలిశాక అదేపనిగా కళ్ళు తుడుచుకుంటుంది.

రచయిత వివరాలు

పూర్తిపేరు: మానస చామర్తి
సొంత ఊరు: విజయవాడ
ప్రస్తుత నివాసం: బెంగళూరు
వృత్తి: software engineer
ఇష్టమైన రచయితలు: బైరాగి, తిలక్, ఇంద్రగంటి శ్రీకాంతశర్మ, ఇస్మాయిల్, కృష్ణశాస్త్రి, మో, అజంతా.
హాబీలు: కవిత్వం, వాద్య సంగీతం.
రచయిత గురించి: ఇంజనీరింగ్( కంప్యూటర్స్) పూర్తి చేసి గత తొమ్మిదేళ్ళుగా ఐ.టిలో ఉద్యోగం.

Share this video :

0 comments:

Post a Comment

 
Copyright © 2013. TELUGU SHORT FILMS | Submit Here | HD Short Movies - All Rights Reserved